Heefeg gestallte Froen

Et gëllt fir all Konstruktioun aus net traitéiertem Holz déi dobausse steet: d’Holz brauch en Entretien well et dem Reen, der Sonn an Insekten ausgesat ass.

Holz ass en natierleche Produit, dee sensibel op Fiichtegkeet reagéiert an ni komplett waasserdicht ka sinn.

Et ass also immens wichteg, d’Holz géint Fiichtegkeet, UV-Stralen an Insekten ze schützen. Mat dem richtegen Entretien kënnt Dir d’Liewensdauer vun Ärer Konstruktioun verduebelen oder nach weider verlängeren.

Chalet Center rot Iech dofir un all d’Holzflächen bannen a baussen nom Montage mat engem duerchsiichtege Präventivmëttel ze imprägnéieren.

Uschléissend hutt Dir de Choix tësche verschiddene Lasuren déi d’Holz géint d’Fiichtegkeet a géint d’UV-Strale schützen.

Holzkonstruktiounen hu vill Charme, mee hunn och hir Nodeeler: Holz schafft a verformt sech jee no de Wiederkonditiounen. Hei sinn einfach Reglagen néideg, déi Chalet Center duerchféiere kënnt.

Wann Dir nach kee befestegten Ënnergrond hutt, ass et ideal e Fundament aus Bëtong virzegesinn. 12 bis 15 cm an eng eise Matt ginn duer. Passt drop op, dass d‘Fundament ëmmer 5 cm iwwert dem Niveau vum Buedem ass fir déi ënnescht Dill virun der Fiichtegkeet ze schützen.

Wann Dir schonn eng Fondatioun hutt, stellt sécher, dass se komplett am Niveau ass. Et ass ee vun deene wichtegsten Elementer fir d’Liewensdauer vun Ärem Gaardenhaischen ze optiméieren.

Mat sengen eegene Steemetzer ka Chalet Center all Är Aussenaarbechten ausféieren.

Mat sengen eegene Monteure ka Chalet Center de Montage vun all den Holzkonstruktiounen ubidden.

D’Produite ginn a Päck geliwwert. Jee no der Gréisst vum Gaardenhaische ginn et 1 oder méi Päck. Bei der Liwwerung ginn d’Päck vum Camion mat engem Kran ofgelueden.

Fir d‘Gaardenhaiser benotze mir jee no Form vum Daach standardméisseg Bitumenschingel oder EPDM-Gummi. Fir verschidde Gaardenhaiser kann een och Placken aus Zillen- oder Profilblech benotzen. Dir kënnt Iech och fir eng méi personaliséiert Léisung entscheeden, wéi Zillen, Schifer, Holzschingel, Daachbegrünung asw.

Zu Lëtzebuerg ass eng Baugeneemegung obligatoresch fir d’Installatioun vun all permanenter (déi net beweegt ka ginn) Holzkonstruktioun. Went Iech un d’Administratioun vun Ärer Gemeng fir méi Informatiounen. Chalet Center kann Iech bei dësen Demarchen hëllefen oder se fir Iech erleedegen.

D’Holz dat mir fir eis Konstruktioune benotze kënnt aus de skandinavesche Länner. Et gehéiert zu der Qualitéitsklass C oder driwwer a gëtt no den NEN Normen (5466) geliwwert an dat mam KOMO Zertifikat deen sech dodrop bezitt.

All Chalet Center Produite komme mat engem Authentizitéitszertifikat. Dëse garantéiert Iech d’Hierkonft vum Holz, wéi och eng héichwäerteg Produktiounsqualitéit. All dëst kënnt natierlech mat engem Service Client. Dir hutt dohier net nëmmen d’Gewëssheet, dass Ären Ënnerstand vun éischtklasseger Qualitéit ass, mee och dass en dat fir déi nächst 10 Joer bleift.  Mat engem originalen Authentizitéitszertifikat, hutt Dir d’Gewëssheet dass Äert Gaardenhaus aus enger Qualitéitsproduktioun a Westeuropa staamt.

Mir wëllen Iech och drop opmierksam maachen, dass Holz en natierleche Produit ass, dee Virdeeler huet mee net perfekt ass. Holz als natierlechen, massive Produit kann sech jee no Wiederkonditiounen zesummenzéien an ausdeenen. E kann och Rëss virweisen oder liicht gebéit sinn.